Qazaqstan qus tumaýynan taza el dep tanyldy

NUR-SULTAN. QazAqparat - Búgin Dúnıejúzilik janýarlar densaýlyǵyn saqtaý uıymynyń (MEB) resmı saıtynda Qazaqstan qus tumaýynan taza el dep tanylǵany týraly aqparat jarııalandy. Bul jóninde Aýyl sharýashylyǵy mınıstrliginiń resmı saıtyna silteme jasap QazAqparat habarlaıdy.

«Bul - Qazaqstan Respýblıkasynyń barlyq veterınarlyq qyzmetiniń, onyń ishinde Aýyl sharýashylyǵy mınıstrliginiń, Veterınarlyq baqylaý jáne qadaǵalaý komıtetiniń, Qazaq veterınarııa ǵylymı-zertteý ınstıtýty ujymdarynyń úlken eńbegi. Qus sharýashylyǵy salasy Qazaqstannyń agroónerkásip kesheniniń mańyzdy quramdas bóligi, onyń negizgi baǵyttary — jumyrtqa jáne et ónimderi» delingen habarlamada.

Qus tumaýynan taza el mártebesi elimizdiń agroónerkásip kesheniniń eksporttyq áleýetin iske asyrýǵa úlken múmkindik beredi jáne Qazaqstannyń ekonomıkalyq damýy men ımıdjine oń áserin tıgizetini anyq.

«Muny Memleket basshysynyń jańa naryqtardy ashý týraly tapsyrmasyn oryndaý maqsatynda atqarylǵan jumystardyń alǵashqy kórinisi dep ataýǵa bolady» deıdi mınıtsrlikten.