Qazaqstan qus fermerleri qazirgi sýbsıdııalaý tetikterin 2020 jylǵa deıin qaldyrý suraýda
Qazaqstannyń qus fermerleri odaǵynyń basty usynysy - búgingi ýaqytta qoldanylyp otyrǵan sýbsıdııalaý tetigin 2020 jylǵa deıin qaldyrý. Atalǵan tetiktiń arqasynda júıeniń ashyqtyǵy men ádildigi artty, bul óz kezeginde óndiristik kólemniń artýyna jáne jalpy salanyń damýyna oń áserin berdi», - dep atap ótti ol Astanada ótken odaqtyń alqa otyrysynda.
Onyń aıtýynsha, QR Aýyl sharýashylyǵynyń jyl saıynǵy turaqty qoldaýdyń arqasynda qus fermerleri ózderiniń óndiristerin jańǵyrta bastady, kásiporyndardaǵy tehnıkalyq jáne tehnologııalyq jaraqtalýy jańartyldy, jańa qus fabrıkalary boı kóterdi.
Mysaly, Shyǵys Qazaqstan oblysyndaǵy «Aıtas grýpp» kompanııasy Aqmola oblysynda jylyna 60 myń tonna qus etin shyǵaratyn fabrıkany saldy. Sonymen qatar OQO-da «Ordabasy qus» fabrıkasy kúrketaýyq etinen túrli ónimder shyǵarýda. 2020 jylǵa qaraı olar 20 myń tonna kúrketaýyq etin óndirýdi kózdep otyr.
«Sońǵy jyldarǵa kóz tastaıtyn bolsaq, elde qus sharýashylyǵy qaıta jandanyp keledi. 1990 jyly eń úlken ósim bolǵan kezde qus basy 59,9 mln. quraǵan bolatyn. Keıin 24 jylda onyń sany 36 mln. tómendedi. 2016 jyly qus etin óndirý kólemi 196 myń tonna bolmaq, jumyrtqa óndirisi jylyna 5 mlrd. danaǵa jetpek», - deıdi R.Sháripov.
Onyń sózine qaraǵanda, sýbsıdııa baǵdarlamasynyń kólemi 18 ese artqan. Eger 2014 jyly jumyrtqa óndirisine 6,7 mlrd. teńge bólinse, 2015 jyly - 9,7 mlrd teńge baǵyttalǵan. Qus etine 2014 jyly 7,1 mlrd. teńge qarastyrylsa, 2015 jyly - 8,4 mlrd. teńge sýbsıdııa jumsaldy.
