Qazaqstan kýrorttaryna sheteldik týrısterdiń qyzyǵýshylyǵy artyp keledi
ASTANA. KAZINFORM — Qazaqstannyń kýrorttyq aımaqtarynda 4,8 mln adam demaldy. Bul týraly Ulttyq statıstıka bıýrosy habarlady.
2025 jyly Qazaqstannyń kýrorttyq aımaqtary 4,8 mln kelýshige qyzmet kórsetken, bul 2024 jylmen (4,3 mln kelýshi) salystyrǵanda 11,5% kóp. Týrısterdiń 17,3% — rezıdent emes azamattar.
— Eń kóp kelýshi Almaty taý klasterinde tirkeldi — 2,9 mln adam. Ekinshi orynda — Şýchınsk-Býrabaı kýrort aımaǵy, munda ornalastyrý oryndarynda 463,1 myń adam toqtaǵan. Úshinshi orynda — 370,1 myń kelýshisi bar Mańǵystaý kýrort aımaǵy, — delingen habarlada.
Sondaı-aq úzdik bestikke eki tanymal kýrort aımaǵy kirdi — Balqash týrıstik aımaǵy (182,9 myń adam) men Jetisý oblysyndaǵy Alakól kýrort aımaǵy (149,1 myń adam).
2025 jylǵy qańtar-jeltoqsan aralyǵynda kýrort aımaqtaryndaǵy ornalastyrý oryndary 198,5 mlrd teńgege qyzmet kórsetken.
Jalpy Qazaqstannyń kýrort aımaqtarynda demalýshylardy ornalastyratyn 1856 oryn tirkelgen.
Aıta ketelik Şýche-Býrabaı kýrorttyq aımaǵyn damytýǵa 137,2 mlrd teńge jumsalatyny týraly jazǵan edik.
