Qazaqstan kúresten jasóspirimder arasyndaǵy Azııa chempıonatynda 14 medal jeńip aldy
ASTANA. KAZINFORM – Vetnamnyń Danang qalasynda kúres túrlerinen jasóspirimder arasyndaǵy Azııa chempıonaty óz máresine jetti. Bul týraly UOK habarlady.
Qazaqstan quramasy bul básekede 14 medal jeńip aldy.
Erkin kúres
Ádilet Rysbaı (71 kelige deıin) jarys jeńimpazy atandy.
Mardan Orynbasarov (60 kelige deıin) kúmisten alqa taqty.
Al Sabyrjan Rahatov (51 kelige deıin), Temirǵalı Murat (55 kelige deıin), Ádilbek Erbolatov (80 kelige deıin), Nurıslam Aıtýǵan (92 kelige deıin) qola medalǵa ıe bolady.
Grek-rım kúresi
Qýanyshbek Jańajol (51 kelige deıin), Mıras Mahambet (65 kelige deıin) altyn medal jeńip aldy.
Arystan Temerǵalı (110 kelige deıin) kúmis júldeger atandy.
Álı Almas (45 kelige deıin), Datqa Lesbek (48 kelige deıin) úshinshi oryn aldy.
Áıelder kúresi
Іnjý Baqqoja (46 kelige deıin), Araılym Kópjasar (53 kelige deıin) kúmis medalǵa ıe boldy.
Aıanat Meınambaı (49 kelige deıin) qola júlde jeńip aldy.
Aıta ketelik Mońǵolııadaǵy halyqaralyq týrnırge qatysatyn qazaqstandyq balýandar anyqtalǵan edi.
