Qazaqstan kúresten U15 Azııa chempıonatynda 20 medal jeńip aldy
ASTANA. KAZINFORM — Qazirgi tańda Taılandtyń Pattaııa qalasynda kúres túrlerinen U15 jáne U20 jas sanatynda Azııa chempıonaty ótip jatyr, dep habarlaıdy UOK baspasóz qyzmeti.
Sary qurlyq birinshiligi aıasynda otandastarymyz U15 jas sanatynda synǵa túsip, 4 altyn, 5 kúmis jáne 11 qola medal jeńip aldy.
Erkin kúresten altyn medaldi Mıras Abdykarym (41 kelige deıin) jeńip aldy.
Al Bektóre Zamanbek (44 kelige deıin), Ámir Serik (48 kelige deıin), Naıl Zeınalov (68 kelige deıin), Ersultan Súleımen (75 kelige deıin) kúmis medalǵa ıe boldy.
Damır Salavat (38 kelige deıin), Madııar Abdykarymov (52 kelige deıin), Bıbarys Túzelbaev (57 kelige deıin), Zelımhan Tsıtskıev (85 kelige deıin) qola medalmen jarysty aıaqtady.
Grek-rım kúresinen Rollan Kım (48 kelige deıin), Danıal Qanatbaı (52 kelige deıin), Eraly Muratov (85 kelige deıin) top jardy.
Kúmis medaldi Aıtýǵan Osman (57 kelige deıin) jeńip aldy.
Al Bereket Ismagýlov (38 kelige deıin), Raıymbek Jaqsylyq (41 kelige deıin), Nuraly Amangeldi (44 kelige deıin), Rýslan Bákir (68 kelige deıin) qola medalǵa ıe boldy.
Áıelder kúresinen Raıan Jamsapqyzy (46 kelige deıin), Djamılıa Mehdıeva (50 kelige deıin), Elnara Kırımova (66 kelige deıin) qola júldeger atandy.
Aıta keteıik, Azııa chempıonaty 5 shildede aıaqtalady.
