Qazaqstan kúres túrlerinen U20 álem chempıonatyn tórt medalmen aıaqtady
ASTANA. KAZINFORM – Slovakııanyń Bratıslava qalasynda kúres túrlerinen U20 jas sanatyndaǵy álem chempıonaty aıaqtaldy.
Qazaqstan quramasynyń qorjynyna jalǵyz altyn medaldi grek-rım kúresiniń ókili Qazybek Qalmaǵambetov (67 kelige deıin) saldy.
Erkin kúresten Bekasyl Asambek (61 kelige deıin) kúmis júldege ıe bolsa, Nurasyl Asambek (57 kelige deıin) jáne Nurdáýlet Seıilbekov (74 kelige deıin) qola medal aldy.
QR UOK málimetinshe, osylaısha, Qazaqstan quramasy álem chempıonatyn tórt medalmen aıaqtady.
Aıta keteıik, Qazaqstan quramasy dzıýdodan Ekvadorda ótken jasóspirimder arasyndaǵy álem chempıonatynyń aralas-komandalyq jarysynda jeńimpaz atanyp, tarıhı nátıjege qol jetkizdi.
