Qazaqstan kúres túrlerinen U17 álem chempıonatyn segiz medalmen aıaqtady
ASTANA. KAZINFORM – Ázerbaıjannyń Baký qalasynda kúres túrlerinen 17 jasqa deıingi sportshylar arasynda álem chempıonaty aıaqtaldy.
QR UOK málimetinshe, Qazaqstan balýandary atalǵan baıraqty básekede eki altyn, eki kúmis, tórt qola medal jeńip aldy.
Erkin kúres
Baqdáýlet Aǵabek (48 kelige deıin) altyn medal jeńip alsa, Mardan Orynbasar (60 kelige deıin) jáne Ádilet Rysbaı (71 kelige deıin) qola medalǵa ıe boldy.
Grek-rım kúresi
Dııar Amanáli (55 kelige deıin) altynnan alqa taqty. Al Álı Almas (48 kelige deıin) kúmis júldege ıelense, Álınur Tóleýǵalı (71 kelige deıin) úshinshi oryn aldy.
Áıelder kúresi
Aısha Ábdimálik (65 kelige deıin) kúmis júldeger atandy. Al Іnjý Baqqoja (46 kelige deıin) qola júldege ıe boldy.
Aıta keteıik, sý dobasynan álem chempıonatyna qatysatyn Qazaqstan jasóspirimder quramasynyń tizimi jarııalandy.
