Qazaqstan quramasynyń úzdikteri jaǵajaı voleıbolynan «Hanom Oýpen» azııalyq týrynyń jartylaı fınalynda óner kórsetip jatyr
ALMATY. 11 sáýir. QazAqparat - Búgin Taılandtaǵy Nahon Shı Tamaratta IV «Hanom Oýpen» («Khanom Open») azııalyq týrynyń jartylaı fınaldyq syndary ótip jatyr. Onda 26 juptyń arasynan Alekseı Sıdorenko men Aleksandr Dıachenko («Qazaqstan-1) 1-4 oryndar úshin jańa zelandııalyqtarlyń ekinshi komandasymen, Tatıana Mashkova men Irına Tsımbalova («Qazaqstan-1») avstralııalyqtardyń birinshi komandasymen kúsh synasýda.
Al Dmıtrıı ıAkovlev pen Alekseı Kýleshov («Qazaqstan-2») 5-7 oryndar úshin shrı-lankalyqtardyń birinshi komandasymen kezdesýde. Baqtygúl Samalıkova men Lıýbov Bogatý («Qazaqstan-2») juby bolsa, toptyq synda súrinip, 11 elden kelgen 19 juptyń arasynda 9-shy oryndy qanaǵat tutty. Endi óz áriptesterin alǵashqy synda 2:0 esebimen utqan avstralııalyqtardan Tatıana men Irınanyń ese qaıtarýǵa múmkindigi bar.
Byltyr bul jarysta qazaqstandyq jigitter 1-2 oryndy bólisse, áıelder arasynda «Qazaqstan-1» juby ekinshi orynnan kóringen bolatyn.
