Qazaqstan quramasynyń taǵy bir oıynshysy «Astanadan» ketti
NUR-SULTAN. QazAqparat – Qazaqstan quramasynyń jartylaı qorǵaýshysy Serikjan Mýjıkov «Astanamen» qosh aıtysty, dep habarlaıdy QazAqparat tilshisi.
«Astana» fýtbol klýby málim etkenindeı, oıynshymen kelisimshart merzimi aıaqtalǵan.
S.Mýjıkov elordalyq klýbqa 2014 jyly keldi. Sosyn «Qaısarǵa» aýysyp, «Astanaǵa» qaıtyp oraldy.
Osy jyldary jartylaı qorǵaýshy «Astana» quramynda 189 match ótkizip, 19 gol soqty, 31 ret nátıjeli pas berdi.
Qazaqstannyń alty dúrkin chempıony atanǵan Serikjan sondaı-aq Eýropa chempıondary lıgasy men Eýropa lıgasynyń toptyq kezeńderinde óner kórsetti.
«Astana» fýtbol klýby S.Mýjıkovqa alǵysyn bildirip, aldaǵy sporttyq jolynda sáttilik tiledi.
Eske sala keteıik, budan buryn Qazaqstan quramasynyń shabýylshysy Roman Mýrtazaevtyń «Astanadan» ketkenin jazǵan bolatynbyz.
Foto: fcastana.kz
