Qazaqstan quramasynyń oıynshysy «Tobyldan» «Astanaǵa» aýysty

ASTANA. QazAqparat – Qazaqstan ulttyq quramasynyń oıynshysy Aleksandr Marochkın elordalyq «Astana» sapyn tolyqtyrdy, dep habarlaıdy QazAqparat tilshisi.

«Astana» fýtbol klýbynan málim etkenindeı, A.Marochkın kásipqoı mansabyn 2012 jyly «Іle-Sáýletten» bastady.

Aleksandr Marochkın «Qaısar», «Oqjetpes», «Tobyl» komandalarynda dop tepti.

Fýtbolshy Qazaqstan quramasy sapynda 34 kezdesý ótkizdi. 32 jastaǵy qorǵaýshy «Astana» sapynda 22 nómirmen óner kórsetetin bolady.

Bıylǵy maýsymda A.Marochkın «Tobyl» quramynda premer-lıgada 14 matchta bir nátıjeli pas berdi.

Astanalyqtar 12 shilde kúni óz alańynda Eýropa chempıondar lıgasynda alǵashqy kezdesýin «Dınamo» (Tbılısı) komandasymen ótkizedi.

Eske sala keteıik, budan buryn birinshi lıgada «Aqjaıyqtyń» «Túrkistandy» tize búktirgenin jazǵan edik.