Qazaqstan quramasynyń oıynshysy eki jylǵa fýtboldan shettetildi
NUR-SULTAN. QazAqparat - Fýtboldan Qazaqstan ulttyq quramasy men «Tobyl» komandasynyń jartylaı qorǵaýshysy Rýslan Valıýllın eki jylǵa fýtboldan shettetildi, dep habarlaıdy QazAqparat tilshisi.
Bul jóninde FIFA tártiptik komıteti shyǵarǵan sheshim «Tobyl» fýtbol klýbyna kelip tústi.
Onda Rýslan Valıýllındi 24 aıǵa fýtboldan shettetý týraly resmı hat berilgen.
Resmı hatta oıynshyǵa jıyrma tórt (24) aı merzimge sanktsııalar qoldanylǵany aıtylǵan.
Fýtbolǵa baılanysty kez kelgen qyzmetten shettetý 2021 jyldyń 10 qyrkúıeginen 2023 jyldyń 10 qyrkúıegine deıin kúshinde bolady.
Aıta ketsek, ol «Tobyldyń» Konferentsııa lıgasynda Slovakııanyń «Jılına» komandasyna qarsy ótkizgen kezdesýinde tapsyrǵan dopıng-testinde oń nátıje kórsetken bolatyn.
Bul jóninde qostanaılyq fýtbolshyǵa 2021 jyldyń 2 qyrkúıeginde habarlandy.
Eske salsaq, Vladıslav Vasılev bıyl «Tobyl» komandasynda oınaıdy.
