Qazaqstan quramasynyń Nıderlandy jáne Latvııa komandalarymen kezdesýlerin tikeleı efırde kórsetedi
ASTANA. QazAqparat - «Qazaqstan» ulttyq arnasy Qazaqstan ulttyq quramasynyń EURO2016 irikteý týrnırindegi Nıderlandy jáne Latvııa komandalaryna qarsy aqtyq kezdesýlerin tikeleı efırde kórsetedi.
«2014 jylǵy Álem chempıonatynyń qola júldegerlerine qarsy match 10 qazan kúni «Astana-Arena» stadıonynda ótkizilmek. Translıatsııanyń bastalý ýaqyty - 21.40»,- dep habarlaıdy «Qazaqstan» RTRK» AQ baspasóz-qyzmeti.
Ulttyq arnadaǵy negizgi translıatsııadan bólek «Kazsport» telearnasynda saǵat 21.00 de arnaıy joba efırge shyǵady. 40 mınýtqa josparlanǵan tikeleı efır barysynda stýdııa qonaǵy men júrgizýshi aldaǵy match jaıly oılaryn ortaǵa salady.
Eýropa chempıonatynyń irikteý týrnırindegi sońǵy kezdesýin ulttyq quramamyz 13 qazan kúni qonaqta, Latvııa fýtbolshylaryna qarsy ótkizedi. Atalǵan matchtyń translıatsııasy Astana ýaqytymen 00.30-da bastalady.
