Qazaqstan quramasynyń negizgi qaqpashysy álem chempıonatyna qatysa almaıdy
NUR-SULTAN. QazAqparat - Shaıbaly hokkeıden Qazaqstan ulttyq quramasynyń negizgi qaqpashysy Nıkıta Boıarkın alǵan jaraqatyna baılanysty álem chempıonatyna qatysa almaıdy, dep habarlaıdy QazAqparat tilshisi.
Eske salsaq, álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótedi.
Qazaqstandyq hokkeıshiler A tobynda Kanada, Slovakııa, Germanııa, Danııa, Shveıtsarııa, Italııa jáne Frantsııamen sheberlik baıqasady.
Nıkıta Boıarkın álem chempıonatyna daıyndyqqa shaqyrylǵan hokkeıshilerdiń keńeıtilgen tizimine engizilgen edi.
Oqý-jattyǵý jıyny barysynda ol jaraqat alyp qaldy. Alda ony ota kútip tur.
Ol Qurlyqtyq hokkeı lıgasynyń aldaǵy maýsymyna deıin tolyq saýyǵýy múmkin.
Ulttyq qurama sapynda odan basqa Andreı Shýtov («Barys»), Sergeı Kýdrıavtsev «ıÝjnyı Ýral», Ilıa Rýmıantsev («Arlan») syndy qaqpashylar bar.
