Qazaqstan quramasynyń qorǵaýshysy «Tobylǵa» aýysty
QOSTANAI. QazAqparat – Qostanaılyq klýb Qazaqstan quramasynyń qorǵaýshysymen kelisimshartqa qol qoıdy. Bul týraly klýbtyń resmı saıty aqparat taratty, dep habarlaıdy QazAqparat.
Temirlan Erlanov mansabyn qaskeleńdik «Suńqar» klýbynda bastady. 2013 jyly Erlanov «Vostokqa» aýysty.
2016 jyly qorǵaýshy shymkenttik «Ordabasy» komandasymen kelisimshart jasasty. Klýb quramynda 70-ten astam match ótkizdi. Aıta keteıik, ol grýzındik «Torpedo» komandasymen kezdesýde jeńisti goldyń avtory atandy. Ótken jyly shymkenttiktermen birge «qola» júldege qol jetkizdi.
Erlanov Qazaqstan ulttyq quramasynyń sapynda 7 matchqa alańǵa shyǵyp,1 gol soqqan. Qorǵaýshymen kelisimshartqa 2020 jyldyń sońyna deıin jasaldy.
