Qazaqstan quramasynyń kapıtany ıÝrıı Şýkın: Devıs kýboginde kútpegen nátıje de bolýy múmkin

Devıs kýboginiń pleı-off kezeńinde 16-17 qyrkúıekte Sofııada ótetin matchqa oraı Qazaqstan jáne Bolgarııa tennıs quramalarynyń kapıtandary óz oılaryn ortaǵa saldy, dep habarlaıdy QazAqparat tilshisi.

Qazaqstandyqtar kapıtany ıÝrıı Şýkın qarsylasty baǵalamaýǵa jol bermeý kerektigin atap ótti.

«Biz aldaǵy matchqa tolyqtaı daıynbyz. Aldyn ala kelip, kort pen osyndaǵy jaǵdaıǵa beıimdeldik. Bolgarııa quramasy óz kóshbasshysy Grıgor Dımıtrovsyz oınaýy múmkin, soǵan qaramastan, quramy kúshti. Devıs kýbogi – komandalyq oıyn, sondyqtan kútpegen nátıje de bolýy múmkin. Biz qoldan kelgenniń bárin jasap, kelesi kezeńge ótýge bar kúshimizdi salamyz», dedi ıÝ.Şýkın baspasóz máslıhatynda.

Bolgarııa kapıtany Valentın Dımov Qazaqstan quramasyn básekeniń favorıti dep esepteıdi.

«Qazaqstan mol tájirıbesimen jáne myqty quramymen erekshelenedi. Sondyqtan biz ony favorıt dep sanaımyz. Dımıtrovtyń joqtyǵy týraly aıtsaq, bári de kúntizbege baılanysty. Álemdik reıtıngte joǵary kóterilýge múmkindik beretin jarysqa qatyspaýǵa bolmaıdy. Degenmen jerebege deıin áli ýaqyt bar, naqtysy keıin belgili bolady», dedi V.Dımov.

Foto: Qazaqstan tennıs federatsııasy

Eske sala keteıik, budan buryn Qazaqstan tennıs quramasynyń Devıs kýbogine daıyndyqty bastaǵanyn jazǵan bolatynbyz.

Sondaı-aq ıÝlııa Pýtıntseva juptyq synda Osaka jarysynyń jartylaı fınalyna shyqty.