Qazaqstan quramasynyń qaqpashysy «Tobylǵa» aýysty
QOSTANAI. QazAqparat – Qostanaılyq «Tobyl» Qazaqstan quramasynyń qaqpashysy Igor Shatskıımen eńbek shartyn jasady, dep habarlaıdy QazAqparat klýbtyń resmı saıtyna silteme jasap.
Igor Shatskıı mansabyn 2008 jyly qaraǵandylyq «Shahterde» bastaǵan.
2012 jyly Shatskıı Astanaǵa kóshti, onda eki maýsym «Astana-1964» namysyn qorǵady. Osy komandanyń quramynda birinshi lıganyń qola júldegeri atandy.
Keıinnen qaqpashy klýby temirtaýlyq «Bolat» sapyna aýysty, onda 22 match ótkizdi. Sońǵy bes maýsymda golkıper «Shahterdiń» qaqpasyn kúzetti. Ótken maýsymda Premer-lıganyń barlyq oıyndaryna qatysty.
Bıyl Shatskıı Qazaqstan ulttyq quramasynyń sapynda Moldovaǵa qarsy matchta óner kórsetti. Fýtbolshymen kelisimshart 1+1 júıesi boıynsha jasaldy.
Foto: kff.kz
