Qazaqstan quramasynyń qaqpashysy Igıta álemniń úzdik golkıperi ataǵyna úmitti
ASTANA. QazAqparat - Qazaqstannyń fýtzaldan quramasynyń jáne «Qaırat» komandasynyń qaqpashysy Igıta álemniń úzdik golkıperi ataǵyna úmitti bolyp otyr, dep habarlandy almatylyq komandanyń resmı saıtynda.
Qazaqstandyq qaqpashy Eýropanyń fýtzaldan chempıonatyn tamasha ótkizip, Qazaqstan quramasy onda «qola» medal úshin básekede jarys ıesi - Serbııa komandasyn utyp, úshinshi oryn ıelendi. Igıta «Qaıratpen» birge eki ret ÝEFA kýbogy men Eremenko kýbogyn enshilegen, kóptegen ishki birinshilikterdiń, sondaı-aq álemdiń klýb chempıonatynyń júldegeri boldy.
Igıtadan basqa Futsalplanet atynan tizimge Mıodrag Aksentevıch ("Tulpar", "Tıýmen"), Ramos Rodolfo ("Brazıl Kırın"), Hesýs Hererro ("MovıstarInter"), Gýstavo ("Dınamo"), Hýan Molına ("Aspıl Vıdal"), Nıkolas Sarmıento ("Rıver Pleıt", "Palma Fýtzal"), Stefano Mammarela ("Askva men Sapone"), Mehdı Mostafeı ("Tasısat Daraıeı") jáne Frantsısko "Pako Sedano" Antolın ("Barselona") kirip otyr.
