Qazaqstan quramasynyń fýtbolshysy Reseıdiń «TsSKA» komandasyna aýysty
NUR-SULTAN. QazAqparat – Qazaqstan ulttyq quramasynyń oıynshysy Baqtıer Zaınýtdınov Máskeýdiń «TsSKA» komandasyna aýysty, dep habarlaıdy QazAqparat tilshisi.
Aqparatty «TsSKA» klýbynyń resmı saıty jarııalady. Baqtıer Zaınýtdınov medıtsınalyq tekserýden ótkennen keıin komandaǵa qosylady. Ol 2024-2025 fýtbol maýsymy aıaqtalǵanǵa máskeýlik klýbta óner kórsetedi.
Aıta keteıik, Qazaqstan azamattary Reseı chempıonatynda legıoner bolyp sanalmaıdy.
B.Zaınýtdınov buǵan deıin Reseıdiń «Rostov» komandasynda oınaǵan. Bul komanda sapynda sońǵy oıynyn «Ýfaǵa» qarsy ótkizdi. Negizgi quramda alańǵa shyqqan Zaınýtdınov gol pasynyń avtory atandy.
Ótken maýsymda Reseı birinshiliginde B.Zaınýtdınov «Rostov» quramynda 17 match ótkizip, 4 gol soǵyp, 1 nátıjeli pas berdi.
