Qazaqstan quramasynyń fýtbolshysy Máskeýdiń TsSKA-syna aýysýy múmkin
NUR-SULTAN. QazAqparat – Qazaqstan ulttyq quramasynyń oıynshysy Baktıer Zaınýtdınov Máskeýdiń TsSKA komandasyna aýysýy múmkin, dep habarlaıdy QazAqparat tilshisi.
«Chempıonat» saıtynda málim etilgendeı, qazirgi kezde «Rostov» (Dondaǵy Rostov) komandasynda oınap júrgen B.Zaınýtdınovty TsSKA-ǵa alý jóninde kelissóz júrgizilýde.
Ótken maýsymda Reseı birinshiliginde B.Zaınýtdınov «Rostov» quramynda 17 match ótkizip, 4 gol soǵyp, 1 nátıjeli pas berdi.
Jańa maýsymda 3 matchta alańǵa shyǵyp, eki márte eskertý aldy. Jartylaı qorǵaýshynyń «Rostovpen» kelisimsharty bıylǵa deıin eseptelgen, onyń transferttik quny 2 mln eýroǵa baǵalanyp otyr.
Keshe óz alańynda kútpegen jerden «Rýbın» (Qazan) klýbynan 1:2 esebimen utylyp qalǵan TsSKA týrnır kestesinde 7 upaımen jetinshi orynda keledi.
Bıyl bar bolǵany úsh upaı jınap, qarqynyn baıaýlatyp alǵan «Rostov» búgin Ýfada jergilikti komandamen kúsh synasady.
Ótken maýsymda TsSKA tórtinshi, «Rostov» besinshi orynǵa kóterilip, ekeýi de Eýropa lıgasynda oınaýǵa joldama alǵan bolatyn.
