Qazaqstan quramasynyń fýtbolshylary ÁCh-2022 biliktilik reıtınginde serpilis jasady
NUR-SULTAN. QazAqparat – Fýtboldan Qazaqstan quramasy Ýkraınamen bolǵan oıynda teń túskennen keıin Eýropa aımaǵyndaǵy 2022 jylǵy álem chempıonatyna qatysýshylardyń biliktilik reıtınginde óz ornyn jaqsartty, dep habarlaıdy QazAqparat Sports.kz-ke silteme jasap.
Qazirgi ýaqytta tizimde alty pozıtsııaǵa kóterilgen qazaqstandyq komanda Bosnııa men Gertsegovınany basyp ozyp, 6.45 koeffıtsıentimen reıtıngte 38-orynǵa turaqtady.Grýzııa, Slovenııa jáne Ýels bizdiń quramadan joǵary ornalasqan. Reıtıngte aǵylshyn komandasyn birinshi orynnan yǵystyrǵan Danııa quramasy kósh bastap tur.
