Qazaqstan quramasynyń fýtboldan Býrkına-Fasomen joldastyq kezdesýi teń aıaqtaldy
ASTANA. QazAqparat - Qazaqstan quramasy Almatyda fýtboldan Býrkına-Faso komandasymen joldastyq kezdesýin 0:0 esebimen teń aıaqtady, dep habarlady Sports.kz.
Match bastalarda, Býrkına-Faso komandasynyń quramy jarııalanǵanda-aq, oıynda aıta qalarlyqtaı jańalyq bolmaıtyny belgili boldy, Qazaqstanda olardyń oıynshylaryn eshkim de bilmeıtin bolyp shyqty.
Qazaqstan quramasynda da oqshaý jaǵdaı kútilgen joq. Baýyrjan Islamhannyń bolmaıtyny aldyn ala belgili boldy. Qaqpaǵa qaraı alǵashqy soqqyny Afrıka fýtbolshylar jasady. Baný Dıavara alystan dopty qaqpaǵa salýdy kózdedi, biraq ta dop qaqpa ústinen ótip ketti. Alań qojaıyndary Ulan Qonysbaevtyń qaqpasy mańynan qatty soqqymen jaýap qatty, Azat Nurǵalıev dopqa sál jete almaı qaldy. Býrkınolyqtardyń qorǵaýshylarynyń qateligi Tańat Nóserbaevtyń qaýipti soqqysymen aıaqtaldy. Dıavara taǵy da qaqpaǵa qaýip týǵyzdy. Saıdý Sımpore 40 metrlik qashyqtyqtan dop soqty, biraq dittegen jerine jetkize almady. Taımnyń sońyna qaraı afrıkandyqtar aıyp dobyn soqqanmen Qonysbaev basymen uryp, dopty maqsatynan taıdyryp jiberdi.
Taımnyń ekinshi bóliginde de aıta qalarlyqtaı oıyn órnegi bolmady. Komandalar oıynshylarǵa ózgeris engizgenimen, esep ashylmady.
12 maýsymda Qazaqstan quramasy Eýropa chempıonaty - 2016 irikteý kezeńi aýqymynda Almatyda Túrkııa oıynshylarymen kezdesedi.
