Qazaqstan quramasynyń dzıýdoshylary irikteldi
ASTANA. QazAqparat - Ońtústik Qazaqstan oblysynyń Saryaǵash aýdanynda dzıýdo kúresinen 2001 - 2002 jyldary týǵan jasóspirimder arasynda Qazaqstan óz máresine jetti.
Oǵan elimizdiń ár túpkirinen 15 komanda qatysyp, 454 jas sportshy ózara myqtylardy anyqtady.
Jarys qorytyndysy boıynsha el birinshiliginde Ońtústik Qazaqstan oblysynyń sportshylary kósh bastady. Ekinshi oryndy Almaty oblysynan kelgen balýandar jaıǵasty. Al úzdik úshtikti Almaty qalasynan kelgen jasóspirimder qanjyǵalaryna baılady.
Bul chempıonattyń ózge jarystardan artyqshylyǵy synnan súrinbeı ótip, jeńis tuǵyrynan kóringen balýandar elimizdiń jasóspirimder quramasyna tańdalyp alyndy. Úzdik atanǵan balýandar endi aldaǵy ýaqytta ulttyq qurama halyqaralyq dodalarda el namysyn qorǵaıtyn bolady.
Aıtalyq, el birinshiliginde top jarǵan sportshylarymyz endi 12 -13 qarasha kúnderi Slovenııanyń Gradek qalasynda ótetin halyqaralyq týrnırge qatysady.
