Qazaqstan quramasynyń burynǵy bapkeri belgııalyq komandany basqaratyn bolady
ASTANA. QazAqparat - Qazaqstan ulttyq quramasynyń burynǵy bas bapkeri Bernd Shtork belgııalyq «Mýskron» klýbymen jumys jasaıtyn bolady, dep habarlaıdy Sports.kz DH.be saıtyna silteme jasap.
«Mýskronnyń» dırektory ıÝrgen Reber dál osy laýazymǵa Shtorkty tańdaıdy dep kútilýde, alaıda klýb basqa da úmitkerlerdi qarastyrýda. Olardyń qatarynda «Mýskronnyń» eks-fýtbolshysy Adnan Chýstovıch bar. Sportshy buǵan deıin belgııalyq «Ostende» komandasynyń bapkeri bolyp jumys jasaǵan.
Eske salaıyq, Bernd Shtork Qazaqstanda 2008-2011 jyldar aralyǵynda bapker bolǵan. 55 jastaǵy maman «Almaty» jáne «Tsesna» klýbtarymen, sondaı-aq, Qazaqstannyń jasóspirimder, jastar men ulttyq quramalarymen jumys jasaǵan.
Shtork bastaǵan Qazaqstan ulttyq qurama 2008 jyldan 2010 jylǵa deıin 14 match ótkizip, 3 ret jeńip, 11 ret jeńiliske ushyraǵan edi.
