Qazaqstan quramasy jelkendi qaıyqtan lıtsenzııalyq Azııa chempıonatynda baq synaıdy
NUR-SULTAN. QazAqparat - Jelkendi qaıyqtan Qazaqstan quramasy lıtsenzııalyq Azııa chempıonatyna qatysady, dep habarlaıdy Olympic.kz.
Atalǵan lıtsenzııalyq jarys Omannyń Maskat qalasynda ótedi. Baıraqty báseke 2-8 sáýir kúnderine josparlanǵan. Lıtsenzııalyq jarysqa Qazaqstan quramasynan tórt sportshy qatysady.
Karına Janǵazova, ıAna Belozerova, Vladımır Şankın jáne Rýslan Janǵazov el namysyn qorǵaıtyn bolady.
Aıta keterligi, qazirgi tańda sportshylar Azııa chempıonaty aldyndaǵy daıyndyqtaryn pysyqtap, oqý-jattyǵý jıyndaryna qatysyp jatyr.
