Qazaqstan quramasy jazǵy bıatlonnan álem chempıonatyna qatysady
ASTANA. QazAqparat - Bıatlonnan QR qurama komandasy Bolgarııanyń Belmekenindegi oqý-jattyǵý jıyndary aıaqtalǵannan keıin, jazǵy álem chempıonatyna qatysý úshin Reseıge attanady. Bul týraly Sports.kz habarlady.
Bıatlonnan erler komandasynyń quramynda kelesi atletter: Vasılıı Podkorytov, Anton Pantov, Maksım Braýn, Roman Eremın, Vladıslav Vıtenko, Tımýr Kýts, Tımýr Hamıtgatın.
Áıelder qurama komandasynda: Galına Vıshnevskaıa, Darıa Klımına (Ýsanova), Alına Raıkova, Anna Kıstanova, Elızaveta Belchenko, Anastasııa Kondrateva.
Atletterimizdiń qataryna jasóspirimderden Evgenııa Krasıkova men Dmıtrıı Kolesnıkovter kiredi.
Aıta keteıik, 22-28 tamyz kúnderi Chaıkovskıı qalasynda (Reseı) jazǵy bıatlonnan álem chempıonaty ótedi.
