Qazaqstan quramasy jartylaı fınalda shvetsııalyqtarǵa aıyp dobyn soǵý kezinde 5:6 esebimen ese jiberdi
ALMATY. 6 aqpan. QazAqparat /Erlik Erjanuly/ - Ótken senbide Almatyda ótip jatqan 32-Álem chempıonatynyń jartylaı fınalynda qazaqstandyq jigitter shvetsııalyq qurdastarymen oıynnyń negizgi ýaqytynda 4:4 esebimen teń tústi.
Odan keıin bul esepti qosymsha ýaqytta eshkim ózgerte almaǵandyqtan, oıyn taǵdyry 12 metrlik aıyp dobyn soǵý arqyly sheshildi. Onda 6:5 esebimen qonaqtardyń mereıi ústem boldy.
Alekseı Nıkıshev jattyqtyratyn ulttyq qurama toptyq synda Shvetsııa men Reseıden keıin 3-orynǵa taban tiregen bolatyn. Olar shvedterge 1:9, orystarǵa 6:8 bop jeńilgenimen, amerıkandyqtardy 13:3, norvekterdi 10:1, fınderdi 10:4 etip jeńdi. Endi erteń qola júlde úshin fındermen qaıta kezdesetin boldy. Fınder jartylaı synda orystarǵa 4:6 esebimen utylǵan edi.
