Qazaqstan quramasy jaǵajaı fýtbolynan Eýrolıga-2022 týrnırin iri jeńispen bastady
NUR-SULTAN. QazAqparat – Qazaqstan quramasy jaǵajaı fýtbolynan Eýrolıga-2022 týrnıriniń toptyq básekesin iri jeńispen bastady, dep habarlaıdy QazAqparat tilshisi.
Qazaqstan fýtbol federatsııasynan málim etkenindeı, jarys Moldova astanasy Kıshınevte ótip jatyr.
Qazaqstandyqtar «B» dıvızıonynda «S» tobynda Norvegııa, Grýzııa jáne Grekııa quramalarymen birge óner kórsetedi.
Alǵashqy kezdesýinde Qazaqstan quramasy Norvegııany 7:3 esebimen oısyrata utty.
Bolat Álenov jattyqtyratyn qazaqstandyq jaǵajaı fýtboly sheberleri kelesi matchyn 28 shilde kúni Grýzııamen ótkizedi. Oıyn elorda ýaqytymen saǵat 15:00-de bastalady.
Eýrolıga-2022 aldaǵy jyly Krakovta (Polsha) ótetin Eýropa oıyndarynyń irikteý saıysy retinde uıymdastyrylyp otyr. Eýropa oıyndaryna alań qojaıyny retinde Polsha, Eýrolıga-2022 sýperfınalynyń alty úzdik quramasy jáne «V» dıvızıonynan bir ozyq komanda qatysady.
«V» dıvızıonynyń tórt úzdik quramasy aldaǵy jyly «A» dıvızıonyna aýysyp, 16 komanda qatarynda óner kórsetedi.
Foto: kff.kz
