Qazaqstan quramasy voleıboldan álemdik Gran-prıde alǵashqy jeńisine qol jetkizdi
ASTANA. QazAqparat - Voleıboldan Qazaqstannyń áıelder quramasy úsh sette álemdik Gran-prıdiń úshinshi tobynda aldyn ala kezeńniń ekinshi matchynda Aljırdiń komandasyn tize búktirdi, dep habarlady Sports.kz QR voleıbol federatsııasyna silteme jasap.
Vıacheslav Shaprannyń shákirtteri úsh partııada da alań ıelerinen basym tústi. Partııalar boıynsha qorytyndy esep 25:17, 25:13, 25:5 - qazaqstandyq qyzdardyń paıdasynda. Qazaqstandyq komandanyń quramyndaǵy eń nátıjeli oıynshylar: Ekaterına Jdanova (10 upaı), Radmıla Beresneva jáne Lıýdmıla Andarbaeva (7 upaıdan).
Qazaqstandyq voleıbolshy qyzdar osy jolǵy álemdik Gran-prıde alǵashqy jeńiske qol jetkizip, úsh upaıǵa ıe boldy.
Eske sala keteıik, alǵashqy oıynda Qazaqstan quramasy 1:3 esebimen Perýge jol bergen bolatyn. Perýandyqtar ekinshi kúni Meksıkany jeńip, top bastady.
5 maýsymda Qazaqstan Meksıkamen oınaıdy, oıyn Astana ýaqytymen 19:00-de bastalady.
Álemdik Gran-prı Aldyn ala kezeń, 3-shi top, Aljır
Perý - Meksıka 3:0 (25:16, 25:16, 25:13)
Aljır - Qazaqstan 0:3 (17:25, 13:25, 5:25).
