Qazaqstan quramasy voleıboldan álem lıgasynda Germanııaǵa ese jiberdi
ASTANA. QazAqparat -Qazaqstannyń erler quramasy úsh sette voleıboldan Álem lıgasynyń úshinshi tobynyń bastapqy oıyny aıasynda Germanııa komandasynan utylyp qaldy, dep habarlaıdy Sports.kz.
Qazaqstandyq voleıbolshylar jarys boıy jaqsy oıyn kórsetip, úshinshi partııada jeńiske qol jetkizýlerine az qalǵan edi. Alaıda óz alańdarynda oıyn kórsetip jatqan nemis komandasy ózderiniń basymdyqtaryn sońǵy sátte kórsetti. Qorytyndy esep Germanııanyń paıdasyna 3:0 (25:17, 25:16, 25:22) sheshildi.
Matchta Qazaqstan quramasynyń oıynshylary Vıtalıı Erdshteın (11 upaı), Aleksandr Stolnıkov (5 upaı) jáne Vasılıı Donets (5 upaı) jaqsy oıyn órgegin kórsetti.
3 maýsym kúni Qazaqstan quramasy Venesýelamen baq synaıdy, jarystyń bastalýy Astana ýaqytymen saǵat 19:00-de.
