Qazaqstan quramasy ÝEFA-daǵy óz rekordyn qaıtalady
NUR-SULTAN. QazAqparat - "Astana Arena" stadıonynda ótken fýtbol matchynda San-Marınony 4:0 esebimen aıqyn basymdyqpen jeńgen Qazaqstannyń Ulttyq quramasy ÝEFA resmı oıyndaryndaǵy nátıjeli rekordyn qaıtalady, dep habarlaıdy olympic.kz.
Buǵan deıin 2018 jyly 16 qazan kúni bizdiń fýtbolshylar Ulttar lıgasy aıasyndaǵy matchta Andorra komandasyn 4:0 esebimen jeńip, osyndaı jetistikke qol jetkizgen bolatyn. Nátıjesinde, atalmysh eki jeńis qazaqstandyq fýtbol uıymynyń ÝEFA resmı týrnırlerindegi (2002 jyldan bastap) eń úlken jetistigi bolyp tur.
Eń qyzyǵy, osydan 22 jyl buryn, 1997 jyldyń 11 maýsymynda Qazaqstannyń Ulttyq quramasy sol kezde AFK (Azııa Fýtbol Konfederatsııasy) Lahordaǵy oıynynda Pákistandy 7:0 eebimen oısyrata jeńip, eń úlken nátıjege qol jetkizgen. Dál osy jeńis áli kúnge deıin bizdiń quramanyń aýyz toltyryp aıtatyn eń aýqymdy jetistigi.
Esterińizge sala ketsek, 21 naýryz kúni Qazaqstan quramasy Shotlandııany 3:0 esebimen jeńip ketken edi.
