Qazaqstan quramasy Tokıoda jasóspirimder arasynda ótken Azııalyq Paralımpıadalyq oıynnan oljaly oraldy
ASTANA. Qyrkúıektiń 14-i. QazAqparat - Tokıoda jasóspirimder arasynda alǵashqy Azııalyq Paralımpıadalyq oıyndar aıaqtaldy. Onda tabysty óner kórsetken Qazaqstan quramasy 23 medal qanjyǵalady. Atap aıtqanda, qazaqstandyq jasaq 7 altyn, 12 kúmis jáne 4 qola medal jeńip aldy.
Qazaqstannyń barlyq paralımpıadashylary júzý jarystarynan Azııalyq oıyndardyń nagradasymen oralýda, bir medal - jeńil atletıkadan alyndy, dep habarlady Sport komıtetinen.
Qazaqstan quramasy búgin, qyrkúıektiń 14-inde Astana ýaqyty boıynsha 21.35-te Seýl-Almaty reısimen Almaty halyqaralyq áýejaıyna keledi.
