Qazaqstan quramasy taekvondodan Azııa chempıonatynda 9 medal jeńip aldy

TEGERAN. QazAqparat - 5-6 naýryz aralyǵynda Iran astanasynda Asian Taekwondo Clubs Championship týrnıri ótti, dep habarlaıdy QazAqparat Qazaqstan taekvondo federatsııasynyń baspasóz qyzmetine silteme jasap.

Jarystyń ekinshi kúni daıangta óner kórsetken Qazaqstannyń erler quramasy úsh medal enshiledi.

Onyń ishinde bir altyn jáne eki qola medal bar.

87 kelide el namysyn qorǵaǵan Smaıyl Dúısebaı qarsylas shaq keltirmeı, jarys jeńimpazy atansa, 80 kelidegi Nurlan Myrzabaev pen 68 keliniń ókili Erasyl Arapbaı qola júldeger atandy.

Osylaısha qazaqstandyq taekvondoshylardyń qorjynyna klýbtyq Azııa chempıonatynyń 9 medali tústi: 1 altyn, 2 kúmis jáne 6 qola.

Buǵan deıin qyzdarymyz atalǵan týrnırde jalpykomandalyq esepte úshinshi oryn alǵan bolatyn.

Nuraı Baýyrjanova (49 keli) men Jansel Denız (73 keli) kúmis júldege qol jetkizse, Aıdana Edilbaeva (46 keli), Rıta Bakısheva (46 keli), Amına Nurǵazyqyzy (62 keli) men Nuraı Hýsaınova (67 keli) qola júlde ıelendi.