Qazaqstan quramasy sý dobynan Álemdik lıganyń sýperfınalynda úzdik bestiktiń qataryna endi
ALMATY. 18 maýsym. QazAqparat - Almatyda 12-17 maýsym kúnderi sý dobynan erler komandalary arasynda FINA Álemdik lıgasynyń sýperfınaly ótti.
Jeńimpaz aqtyq fınalda penaltı arqyly anyqtaldy. Negizgi oıynda Ispanııamen 8:8 (1:2, 3:2, 2:2, 2:2) teń túsken Horvatııa sportshylar penaltı kezinde 9:10 esebimen basym tústi. Al amerıkandyqtardan 7:6 (1:1, 2:3, 1:2, 2:1) esebimen basym túsken ıtalıandyqtar qola júldeger atandy. Sergeı Drozdov jattyqtyratyn qazaqstandyq komanda aqtyq synda qytaılardan ese qaıtardy. Toptyq syndaǵy 3-týrda 8:8 (3:2, 2:2, 2:3, 1:1) esebimen teń túsip, penaltıde 5:4 bop utylǵan bolatyn. Aqtyq aqtyq synda Azııadaǵy basty qarsylasynan 7:5 (4:1, 1:1, 2:1, 0:2) esebimen basym túsip, qurlyqtaǵy óziniń kóshbasshylyǵyn dáleldep shyqty. Jalpy Qazaqstan quramasy Londondaǵy HHH Jazǵy Olımpıada oıyndarynda sý dobynan erler arasynda Azııa qurlyǵynan qatysqaly otyrǵan jalǵyz el bolyp otyr.
