Qazaqstan quramasy shossedegi velosporttan Azııa chempıony atandy
NUR-SULTAN. QazAqparat – Búgin Tájikstan astanasy Dýshanbede shossedegi velosporttan bastalǵan Azııa chempıonatynda Qazaqstan qorjynyna qos medal tústi, dep habarlaıdy QazAqparat tilshisi.
Qazaqstan velosport federatsııasy málim etkenindeı, aldymen Qazaqstan erler quramasy komandalyq jarysta top jardy.
Quramynda Evgenıı Fedorov, Igor Chjan, ıÝrıı Natarov, Evgenıı Gıdıch bar qazaqstandyqtar 24 km qashyqtyqty 26 mınýt, 48.933 sekýndta baǵyndyryp, chempıon atandy.
Mońǵolııa sportshylary (+01:05.377) ekinshi, ırandyqtar (+01:57.643) úshinshi orynǵa ıe boldy.
«Jigitter bizdiń sporttyq dırektorymyz Aleksandr Sheferdiń basshylyǵymen komandalyq jarysta óte sátti óner kórseti. Búkil qurama joǵary deńgeıde boldy, nátıjesi – altyn medal. Quramany quttyqtaımyn, aldaǵy syndarda da sáttilik tileımin», dedi Qazaqstan velosport federatsııasynyń vıtse-prezıdenti, «Astana Qazaqstan Team» bas menedjeri Aleksandr Vınokýrov.
Sonymen qatar Qazaqstan áıelder quramasy komandalyq jarysta kúmis júldeni jeńip aldy.
Munda el namysyn Rınata Sultanova, Faına Potapova, Mahabbat Úmitjanova jáne Anjela Soloveva qorǵady. 24 km qashyqtyqty 32 mınýt 24.015 sekýndta júrip ótken qyzdar altyn alǵan ózbekstandyqtardan 9.104 sekýndqa qalyp qoıdy.
Úzdik úshtikti ırandyqtar (2 mınýt, 1.736 sekýnd) túıindedi.
