Qazaqstan quramasy sapynda álem chempıonatyna qatysatyn hokkeıshiler tizimi jarııalandy
NUR-SULTAN. QazAqparat - Shaıbaly hokkeıden álem chempıonatyna qatysatyn Qazaqstan ulttyq quramasynyń oıynshylary belgili boldy, dep habarlaıdy QazAqparat tilshisi.
Aıta ketsek, ulttyq qurama búgin, 3 mamyrda Latvııa astanasy Rıga qalasyna attanady. Onda álem chempıonatyna daıyndyqtyń ekinshi kezeńi bastalady. Ulttyq quramanyń bapkerler quramy oǵan shaqyrtý alǵan hokkeıshiler quramyn jarııalady.
Eske salsaq, quramanyń negizgi qaqpashysy Nıkıta Boıarkın alǵan jaraqatyna baılanysty álem chempıonatyna qatysa almaıdy.
Onyń ornyna quramaǵa Denıs Karataev shaqyrtý aldy.
Ulttyq quramaǵa shaqyrtylǵan hokkeıshiler tizimi tómendegishe:
Qaqpashylar: Andreı Shýtov («Barys»), Sergeı Kýdrıavtsev («ıÝjnyı Ýral», Reseı), Ilıa Rýmıantsev («Arlan»), Denıs Karataev («Saryarqa»);
Qorǵaýshylar: Ádil Beketaev, Samat Danııar, Valerıı Orehov, Egor Shalapov (barlyǵy - «Barys»), Djessı Bleker («Avtomobılıst», Reseı), Darren Dıts (TsSKA, Reseı), Leonıd Metalnıkov («Admıral», Reseı), Emıl Nurǵalıev («Saryarqa»), Vıktor Svedberg («Avangard», Reseı), Ivan Stepanenko («Beıbarys»);
Shabýylshylar: Pavel Akolzın («Metallýrg», Reseı), Álıhan Ásetov, Kertıs Volk, Dmıtrıı Gýrkov, Nıkıta Mıhaılıs, Egor Petýhov, Kırıll Savıtskıı, Anton Sagadeev, Roman Starchenko, Arkadıı Shestakov (barlyǵy - «Barys»), Maksım Mýhametov («Nomad»), Dmıtrıı Grents («Torpedo»), Saıan Danııar, Mıhaıl Rahmanov (ekeýi - «Saryarqa»), Batyrlan Mýratov («RoKı», Fınlıandııa), Kırıll Panıýkov («Ak Bars», Reseı), Evgenıı Rymarev («ıÝgra», Reseı), Dmıtrıı Shevchenko («Avangard», Reseı).
Eske salsaq, álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótedi.
Qazaqstandyq hokkeıshiler A tobynda Kanada, Slovakııa, Germanııa, Danııa, Shveıtsarııa, Italııa jáne Frantsııamen sheberlik baıqasady.
