Qazaqstan quramasy sambodan Álem kýbogyn ıelendi
ASTANA. QazAqparat - Qazaqstan quramasy erler men áıelder arasyndaǵy sporttyq jáne áskerı sambo boıynsha QR Prezıdentiniń júldesine arnalǵan Álem kýbogynda jeńimpaz atandy, dep habarlady «QazAqparat» HAA.
EKSPO-2017 komıssary hatshylyǵynyń baspasóz qyzmeti habarlaǵandaı, Álem kýbogynyń kezeńi Astanada 6-8 shildede ótti.
Jarysty EKSPO-2017 kórmesi aıasynda Halyqaralyq sambo federatsııasy ótkizdi, oǵan álemniń 16 elinen 200-den astam sportshy qatysty.
Jalpy komandalyq esepte 13 altyn, 12 kúmis, 29 qola medalmen Qazaqstan quramasy birinshi oryn alyp, Kýbok ıegeri atandy. Ekinshi, úshinshi oryndy Grýzııa men Reseı komandalary ıelendi.
