Qazaqstan quramasy Prezıdent Kýbogynda ekinshi márte oısyraı jeńildi
ASTANA. QazAqparat - Prezıdent Kýbogy oıyndarynyń ekinshi kúnin Qazaqstan quramasy men Habarovskiniń «Amýr» komandasynyń matchy ashty, dep habarlaıdy «SPORTINFORM».
Alǵashqy eki kezeńde qonaqtar Igor Rýdenkovtyń kúshimen shaıbadan biraq soqty. Qorytyndy bólimde Kýdrıavtsevtiń qaqpasyna taǵy da shaıba soǵyldy. Pavel Týrbın men Vıacheslav Ýshenın esepti 4:0-ge jetkizdi. Ókinishke oraı, qazaqstandyqtar laıyqty jaýap qaıtara almady.
Eske salaıyq, oıynshylardyń biraz bóligi «Barys» úshin oınaǵandyqtan, qurama týrnırge yqshamdalǵan quramda qatysqan edi. Sol sebepten komandany Andreı Skabelka emes, ıÝrıı Mıhaılıs basqardy. Týrnırdiń alǵashqy oıynynda komanda nıjnekamstik «Neftehımıkten» jeńilis tapty.
19:30-da elordalyq muz aıdynyna «Barys» pen Prezıdent Kýbogynyń qazirgi ıegeri «Neftehımık» komandalary shyǵatyn bolady. Ekeýi de jaqynda óz matchtarynyń jeńimpazdary atanǵan.
