Qazaqstan quramasy otyryp oınaıtyn voleıboldan Qurlyqaralyq kýbokqa qatysady
ALMATY. 8 shilde. QazAqparat /Erlik Erjanuly/ - 11-16 shilde kúnderi Ulybrıtanııanyń Keterıng qalasynda otyryp oınaıtyn voleıboldan Qurlyqaralyq kýbok sarapqa salynady.
Onda birinshi dıvızıonda 11 eldiń quramasy baq synaıdy. Qazaqstan oǵan joldamany 2-dıvızıonnyń jeńimpazy retinde 2010 jyly ıelengen bolatyn. Bul dúbirli dodada qazaqstandyqtar Brazılııa, Kanada, Bosnııa jáne Gertsegovına, Ýkraına jáne Ulybrıtanııa sportshylarymen birge 1-shi topta óner kórsetedi. Al 2-shi topqa Reseı, Qytaı, Ázirbaıjan, Mysyr jáne AQSh quramalary engen.
QR Voleıbol federatsııasynyń habarlamasyna qaraǵanda, bas bapker Baýyrjan Taqaýov ulttyq quramaǵa 12 sportshyny shaqyryp otyr. Olar - Ernar Mateýov, Qýanysh Tájikov, Rasýl Imanǵalıev, Baýrjan Sartaev, Erik Qasqabaev, Nurtaı Muqanbetqalıev, Baýyrjan Tahaýov, Shyńǵys Medeýov, Muhtar Qamysbaev, Manas Qojasov, Janǵalı Súıeýov pen Aleksandr Demeýov. Qurlyqaralyq kýboktyń toptyq kezeńiniń matchtary 11-13, shırek jáne jartylaı fınaldyq oıyndary 14-15, al aqtyq saıystary 16-shildede ótedi.
