Qazaqstan quramasy Oman komandasymen joldastyq kezdesý ótkizedi
ASTANA. Shildeniń 21-i. QazAqparat - Qazaqstan ulttyq komandasy tamyzdyń 11-inde Oman ulttyq komandasymen joldastyq kezdesý ótkizedi. Oıyn Astana qalasynda «Astana Arena» stadıonynda uıymdastyrylady, dep habarlaıdy Qazaqstan Fýtbol federatsııasy.
Buǵan deıin bizdiń ulttyq quramanyń qarsylasy Ekvador komandasy bolyp belgilengen edi. Alaıda, Ekvador fýtbol Federatsııasy basshylarynyń oıynǵa qatysamyz degen 14.07.2010 jylǵy resmı hatyna qaramastan, shildeniń 19-ynda keshte Qazaqstan fýtbol Federatsııasy ózderiniń latınamerıkandyq áriptesterinen «Qazaqstandaǵy oıynǵa barýǵa qajetti avıabıletter satyp alýdyń múmkindigi bolmaǵanyn» aıtyp keshirim suraǵan hatyn aldy. Qazaqstan fýtbol Federatsııasy osy jaǵdaıǵa baılanysty qandaıda bir sheshim qabyldaýy úshin resmı qujatty FIFA-ǵa berdi.
Qalyptasyp otyrǵan jaǵdaıǵa baılanysty QFF basshylary tez arada sparrıng seriktes tabýǵa áreket jasap, ol Oman ulttyq qurama komandasy bolyp belgilendi.
