Qazaqstan quramasy MMA boıynsha Ońtústik Koreıadaǵy Azııa chempıonatynyń fınalyna ótti
ASTANA. QazAqparat - Ońtústik Koreıadaǵy Hvasýn (Hwasoon) qalasynda MMA aralas jekpe-jekten ІІІ Azııa chempıonaty ótýde. Qazaqstan Respýblıkasynyń ulttyq quramasy 7 salmaq sanatynda óner kórsetip, irikteý urystarynan oıdaǵydaı ótti jáne tolyq quramda Azııa chempıonatynyń altyn medaldary úshin fınaldyq jekpe-jekterge shyǵady. Bul týraly Qazaqstannyń MMA aralas jaýyngerliý jekpe-jegi federatsııasy habarlady.
Sóıtip, 7 tamyzda qurlyqtyq birinshilik chempıondary ataǵy úshin QR-nyń MMA boıynsha quramasynyń myna músheleri aıqasqa shyǵady:
61,2 kelige deıingi salmaq sanatynda - Azamat Marqabaev (Aqtóbe)
65,8 kelige deıingi salmaq sanatynda - Ismaıl Geroev (Qaraǵandy)
70,3 kelige deıingi salmaq sanatynda - Neımat Asadov (Qaraǵandy)
77,1 kelige deıingi salmaq sanatynda - Goıtı Dazaev (Aqtóbe)
84 keli salmaq sanatynda - Baýyrjan Qýanyshbaev (Qaraǵandy)
93 kelige deıingi salmaq sanatynda - Erkinbek Injel (Aqtóbe)
+93 kelige deıingi salmaq sanatynda - Mohmad Sýlımanov (Qaraǵandy).
Sondaı-aq Azııa chempıonaty aýqymynda halyqaralyq "BATTLE OF NOMADS-9" WMMAA PRO ASIA DIVISION kásibı týrnıri ótedi, onda Qazaqstan palýandary Koreıa komandasymen aıqasqa túsedi.
Asa jeńil 61,2 keli salmaqtaǵy Azııa chempıony jáne álem chempıonattarynyń kúmis júldegeri Sergeı Mıoronovtyń (6-1-0) qarsylasy Lee Youn Jin (1-1-0) bolmaq.
65,8 keli jeńil salmaq sanatynda «Nomattar urysy-9» saıysynda jas palýan Abylaıhan Qadirjan (1-0-0) óte tájirıbeli koreıalyq palýan See Sung In Heig-pen (6-4-2) saıysqa túsedi.
Kásibı urystarda jeńilip kórmegen eki palýan - álem chempıony jáne Azııa chempıony Shavkat Rahmonov (6-0-0) pen Park Jun Young (3-0-2) saıysy 80 kelilik aralyq salmaqta ótedi.
Qazaqstannyń MMA aralas jaýyngerlik jekpe-jek federatsııasy 2016 jylǵy 16 qańtardaǵy №28 memlekettik akakredıtatsııaǵa sáıkes memlekettik tizilimde tirkelgen sporttyń derbes túri.
Qazaqstan MMA federatsııasy úsh jyldan az-aq ýaqyt ishinde 4 Respýblıka chempıonatyn, 2 Qazaqstan kýbogyn, MMA boıynsha alǵashqy Azııa chempıonatyn jáne halyqarlyq kásibı «BATTLE OF NOMADS» WMMAA PRO ASIA DIVISION 8 kásibı týrnırin ótkizdi.
MMA boıynsha Qazaqstan quramasy jalpy komandalyq esepte úsh ret kúmis júldege ıe boldy, Azııa chempıonattarynda eki jyl qatarynan jalpykomandalyq birinshi orynǵa ıe boldy.
