Qazaqstan quramasy mını fýtboldan Eýropa chempıony atandy
ASTANA. QazAqparat - Qazaqstan quramasy fýtzaldan Eýropa chempıony atandy, dep habarlaıdy Halyqaralyq fýtzal federatsııasy.
Eýropa birinshiliginiń fınalynda Horvatııa men Qazaqstan arasyndaǵy oıyn 2:2 esebimen aıaqtalǵan, matchtan keıingi penaltı serııasynda 5:6 esebimen qazaqstandyqtar jeńiske jetken.
Fınaldyq oıyn Qazaqstan úshin sátsiz bastaldy, birden ekinshi mınýtta horvattar esep ashyp, alǵa shyqty. Degenmen kóp uzamaı, Murat Ahmetsháripov esepti teńestire aldy. Kezdesýdiń ekinshi taımynda Horvatııa sapynan Ivan Smok esepti 2:1-ge jetkizdi. Alaıda taım sońyna qaraı, Murat Ahmetsháripov alys buryshty dál kózdep, qazaqstandyq komandany jeńilisten aman alyp shyqty.
Oıyn sońynda penaltı serııasy belgilendi. Bul synda qazaq sportshylary úzdik shyǵyp, 6:5 esebimen jeńiske qol jetkizdi.
