Qazaqstan quramasy Makedonııany oısyrata utty
ASTANA. QazAqparat - Fýtzaldan Eýro-2018 negizgi irikteý kezeńiniń toptyq oıynynda Qazaqstan quramasy Makedonııa quramasymen kezdesti, dep habarlaıdy dodasport.kz.
Oıynnyń basty favorıti sanalǵan Qazaqstan quramasy basymdyqty qolyna alyp, birden shabýylǵa kiristi. Qarsylas qaqpasyna birinshi bolyp Leo gol soqty. Oıyndaǵy ekinshi gol Qazaqstan quramasynyń keremet kombınatsııasynan soń oryn aldy. Shabýyldy sátti aıaqtaǵan «Qaırat» klýbynyń oıynshysy Serik Jamanqulov bolatyn.
Esterińizge salsaq, bizdiń toptaǵy birinshi ótken oıynda Chehııa quramasy Danııany 5-4 esebimen utqan edi.
Aıta keteıik, óz tobynda birinshi oryn alǵan qurama birden Eýropa chempıonatyna joldama alady. Al ekinshi oryndaǵy komanda qosymsha joldamaǵa talasýǵa múmkindik alady.
Qazaqstan - Makedonııa 3:0
Qazaqstan: Shamro, Igıta, Knaýb, Jamanqulov, Leo, Súleımenov, Dovgan, Esenamanov, Pershın, Imanlın, Dýglas, Orazov, Tursaǵulov, Akbalyqov
Makedonııa: Petrovskı, Leveskı, Ismaılı, Krestovskıı, Glıgorov, Leovskıı, Mıkevskıı, Agýshı, Petrovık, Todorovskıı, Petrovskıı, Soýza, Seferı, Ýdovalıev
Goldar: Leo, Jamanqulov, Akbalıkov
Eskertýler: Jamanqulov
