Qazaqstan quramasy Qysqy Olımpıadaǵa qashan attanady
ASTANA. QazAqparat - Ońtústik Koreıanyń Phenchhan qalasynda ótetin XXIII qysqy Olımpıada oıyndaryna Qazaqstan quramasyn saltanatty túrde shyǵaryp salatyn kún belgili boldy, dep habarlaıdy QazAqparat.
Saltanatty shara 23 qańtarda saǵat 15.00-de AIBA Boks akademııasynda (Talǵar aýdany, Almaty oblysy) ótedi.
Sharaǵa QR Mádenıet jáne sport mınıstrligi, Ulttyq Olımpıada komıtettiń basshylyǵy, sondaı-aq shańǵy sporty, bıatlon, frıstaıl-akrobatıka men frıstaıl-mogýldan ulttyq qurama komandalar qatysady.
Esterińizge sala keteıik, HHІІІ qysqy Olımpıada oıyndary 9-25 aqpan aralyǵynda Ońtústik Koreıanyń Phenchhan qalasynda ótedi.
