Qazaqstan quramasy karateden Azııa chempıony atandy
NUR-SULTAN. QazAqparat – Almaty qalasynda karateden eresekter arasynda ótken Azııa chempıonatynda Qazaqstan erler quramasy komandalyq synda jeńimpaz atandy, dep habarlaıdy QazAqparat tilshisi.
Qazaqstandyq karateshiler fınalda Iran quramasymen synǵa tústi.
Qazaqstandyqtar Danııar ıÝldashev, Nurqanat Ájiqanov jáne Nurnııaz Eldashev úsh ırandyq qarsylasyn utyp, komandasyna jeńis áperdi.
Budan buryn Qazaqstan áıelder quramasy komandalyq synda qola júldege ıe bolǵan edi. Kishi fınalda olar ırandyqtardy jeńdi.
Qazaqstan namysyn Sofıa Berýltseva, Sabına Zaharova jáne Móldir Jańbyrbaı qorǵady.
Oǵan qosa Tokıo Olımpıadasynyń júldegeri S.Berýltseva jekeleı synda kúmis medalǵa qol jetkizdi. Ol fınalda japonııalyq ıÝdzýkı Savaıǵa ese jiberdi.
Eske sala keteıik, budan buryn karateden Móldir Jańbyrbaı men Andreı Aqtaýovtyń Azııa chempıondary atanǵanyn jazǵan bolatynbyz.
