Qazaqstan quramasy grek-rım kúresinde Olımpıada oıyndarynda 55 keli salmaqta joldamasyz qaldy
ALMATY. 7 mamyr. QazAqparat - Fınlıandııanyń Helsınkı qalasynda erkin kúres, áıelder kúresi jáne grek-rım kúresinen Olımpıada oıyndarynyń aqtyq irikteý syndary ótýde.
Onda el namysyn qorǵap jatqan grek-rım kúresi sheberleri arasynda 55 keli salmaqtaǵy Marat Kárishalov alǵashqy beldesýde utylyp qaldy. Ol ýkraınalyq Vıýgar Ragımovqa 4:6, 0:6 esebimen ese jiberdi. Endi sońǵy úmit 96 kelidegi Alhazýr Ozdıevte. Bul synda qurama bapkerleri komanda qorjyny bos turǵan salmaqtarda áıelder kúresinen Aıym Ábildınaǵa (55 kg), grek-rım kúresinen Marat Kárishalov (55 kg) pen Alhazýr Ozdıevke (96 kg) senim artqan edi.
