Qazaqstan quramasy eki kezdesýde de jeńilip qaldy
ASTANA. QazAqparat - Iranda ótip jatqan álem kýboginiń ekinshi kezeńinde qazaq balýandary nemisterge ese jiberdi, dep habarlaıdy QazAqparat tilshisi.
Alǵashqy kezdesýlerinde reseılikterden ońbaı utylǵan Qazaqstan quramasy eknshi aınalymda nemisterden de utylyp qaldy. Eń jeńil salmaqta saıysqa túsken Janserik Sársenbıev Krıstofer Ioseften 3:4 esebimen utylsa, 66 kelide bozkilemge shyqqan Danııar Qalenov Erık Veıssti ońaı utyp, esepti teńestirdi. Al 71 kelide Demeý Jadyraev Maksımılıan Andresti jeńip, Qazaqstan quramasyn alǵa shyǵardy.
Alaıda 75 kelide beldesken Temirlan Shadýkaev Florıan Neýmaıerge ese jiberse, Daýlet Jaqsylyqov Paskal Eıselden aılasyn asyra almady. 85 kelide synǵa túsken Azamat Qustybaev Ramsın Azızsırden utylsa, 98 kelide Álimhan Syzdyqov Olıver Adrıanǵa kúshi jetpedi. Sondaı-aq, asa aýyr salmaqta Damır Kúzembaev Edýard Poptan utylyp qaldy.
Endi Qazaqstan quramasy tek 5-6 orynǵa talasýyna múmkindikteri bar.
