Qazaqstan quramasy dopty hokkeıden Álem chempıonatynyń joǵarǵy tobynda 3-inshi oryn aldy
ALMATY. 2 aqpan. QazAqparat /Erlik Erjanuly/ - Búgin Almatyda ótip jatqan 32-inshi Álem chempıonatynyń toptyq kezeńinde aqtyq matchta qazaqstandyqtar Fınlıandııa quramasyn 10:4 esebimen utty.
Búgin sondaı-aq Norvegııa men AQSh komandalary arasyndaǵy kezdesýde qarsylasyn 6:3 esebimen utqan norvegııalyq sportshylar joǵary toptaǵy óz ornyn saqtap qaldy. Endi «A» tobyndaǵy komandalar arasynan týrnır kestesinde kósh bastap kele jatqan Shvetsııa men Reseı arasyndaǵy sońǵy oıyn ǵana qaldy. Al AQSh-tyń ornyna búgin kanadalyqtardy 6:0 esebimen utqan «V» tobynyń kóshbasshysy Belarýs quramasy basýy múmkin. Olar 4 aqpanda amerıkandyqtarmen irikteý matchyn ótkizedi. Senbi kúni, sondaı-aq jartylaı fınaldyq oıyndar, al jeksenbide 2012 jylǵy Álem chempıony men júldegerleri anyqtalatyn aqtyq oıyndar bolady.
