Qazaqstan quramasy Devıs Kýbogynyń shırek fınalyna joldama aldy
ASTANA. QazAqparat - Astanada tennısten ótip jatqan Devıs Kýbogynyń 1/8 fınalyndaǵy Qazaqstan - Shveıtsarııa arasynda ótken matchta otandastarymyz shırek fınalǵa joldama aldy, dep habarlaıdy QazAqparat.
Búgin juptyq kezdesýde Tımýr Habıbýlın men Aleksandr Nedovesov dýeti arasyndaǵy tartysty órbigen bes settik oıynda shveıtsarııalyq Mark-Andrea Hýslera men Lýka Margarolı jubynan basym tústi. Esep - 6:4, 6:4, 3:6, 6:7, 6:3.
Esterińizge sala ketsek, keshe Dmıtrıı Popko men Mıhaıl Kýkýshkın shveıtsarııalyq Genrı Laaksonen men Ardıan Bodmerdi jeńgen bolatyn. Osylaısha, Qazaqstan men Shveıtsarııa arasyndaǵy matchta esep 3:0 esebimen jerlesterimizdiń paıdasyna sheshildi.
Týrnırdiń shırek fınalynda otandastarymyz Kanada-Horvatııa jubynyń jeńimpazdarymen kezdesedi.
