Qazaqstan quramasy Devıs kýbogi irikteý matchyna daıyndyqty bastady

ASTANA. QazAqparat – Tennısten Qazaqstan erler quramasy Devıs kýbogi irikteý matchyna daıyndyqty bastady, dep habarlaıdy QazAqparat tilshisi.

Qazaqstan tennıs federatsııasynan málim etkendeı, Chılı quramasymen match La Serena qalasynda 4-5 aqpan kúnderi «La Trentıno» arenasynyń topyraq tósenishindegi korttarynda ótedi.

Tynyq muhıty jaǵalaýynda ornalasqan qalaǵa kapıtan ıÝrıı Şýkın bastaǵan Qazaqstan quramasy tolyqtaı keldi.

Aleksandr Býblık, Tımofeı Skatov, Mıhaıl Kýkýshkın, Andreı Golýbev jáne Aleksandr Nedovesov jattyǵýǵa kiristi.

Bul qos eldiń arasyndaǵy alǵashqy kezdesý bolmaq. Chılı – 1976 jyly Devıs kýboginiń fınalısi atanǵan komanda.

«Men mundaı korttarǵa alańdamaıtyn boldym, buryn topyraq tósenishinde nashar oınaǵanymdy esten shyǵardym. Chılıge jaqsy kóńil-kúımen keldim. Óz elimniń namysyn qorǵap, jeńý úshin bar kúshimizdi salamyz, sondyqtan muqııat daıyndalýdamyz», dedi Qazaqstan quramasynyń kóshbasshysy Aleksandr Býblık.

Bastapqy jekeleı synda eki oıyn ótedi. Kelesi kúni juptyq synda bir, jekeleı synda taǵy eki kezdesý bolady.

Jeńimpaz komanda Devıs kýboginiń qyrkúıekte ótetin fınaldyq kezeńine joldama alady.

Eske sala keteıik, budan buryn Aýstralııa chempıonatynda Elena Rybakınannyń eıs jasaýdan rekord ornatqanyn jazǵan bolatynbyz.

ıÝlııa Pýtıntseva Taılandtaǵy WTA jarysynda jeńilip qaldy.

Aýstralııa ashyq chempıonaty eń kóp jankúıer jınaǵan jarys boldy.

Foto: Qazaqstan tennıs federatsııasy