Qazaqstan quramasy Búkilálemdik kóshpendiler oıyndarynda toǵyzqumalaqtan eki altyn ıelendi (FOTO)
ShOLPON-ATA. QazAqparat - Sholpan atada Búkilálemdik kóshpendiler oıyndarynda Qazaqstannyń erler men áıelder quramasy «togýz korgool» sporttyq oıynynyń fınalynda jeńimpaz atandy. Nátıje mynadaı: erler arasynda - 2:0, áıelder arasynda - 2:0.
Er adamdar arasyndaǵy komandalyq esepte 25 jastaǵy pavlodarlyq Janat Qaımoldın jáne budan buryn jeke esepte birinshi oryndy ıelengen aqtóbelik 28 jastaǵy sport sheberi Nurbek Qabıev altyn medal jeńip aldy. Nurbek toǵyzqumalaqty 15 jyldan beri oınap keledi.
Áıelder arasynda komandalyq esepte chempıondyq tıtýldy aqtóbelik sportshy, halyqaralyq deńgeıdegi sport sheberi, 2012 jyly rapıde álem chempıony bolǵan Dıana Kenına ıelendi. Onyń komandadaǵy juby shymkenttik Ásel Dalıeva eńbek sińirgen sport sheberi (osy jarystardaǵy Qazaqstannan birden-bir osy ataq ıegeri), 2010 jáne 2012 jyldardaǵy eki dúrkin álem chempıony (álem chempıonaty eki jylda bir ret ótedi) jáne 2013 jylǵy Azııa chempıony. Toǵyzqumalaq oıyny boıynsha Qazaqstan quramasynyń bas bapkeri - QR eńbek sińirgen bapkeri, halyqaralyq dárejedegi sport sheberi, Qazaqstannyń bes dúrkin chempıony, Qyrǵyzstannyń bes dúrkin chempıony jáne Azııa chempıonattarynyń júldegeriAınur Jaqapbaeva boldy. Sporttyń bul túri boıynsha kúmis jáne qola júldeler Qyrǵyzstan-1 jáne Qyrǵyzstan-2 qurama komandalaryna buıyrdy.
